Африкийн сафари 11 шөнө 12 өдрийн хөтөлбөр

• •
  Өглөөний 7 цагт Улаанбаатарын нисэх онгоцны буудал дээр цугларна.
• •
  9 цаг 10 минутад Истанбул чиглэлийн нислэгт сууна. Истанбулд 2 цагийн дамжин өнгөрөх хугацааны дараа Танзанийн Килиманжаро чиглэлд ниснэ.
• •
  Килиманжарод хүрэлцэн ирээд зочид буудалд амарна.

• •
  Өглөөний цайны дараа бид Африк хөтөчтэйгөө уулзана. Дараа нь Килиманжаро уулын бүс руу явна.
• •
  Килиманжаро уул. Африк тивийн хамгийн өндөр уул бөгөөд далайн түвшнээс дээш 5895 метр өндөрт оршдог. Энэ нь дэлхийн хамгийн алдартай уулсын нэг бөгөөд олон аялагч, уулчдын мөрөөдлийн оргил юм.
• •
  Зочид буудалдаа амарна.

• •
  Өглөөний цайны дараа бид Тарангире үндэсний паркт сафари аяллаа эхлүүлнэ. Өндөрлөгөөс гайхалтай үзэмжтэй газарт өдрийн хоолоо иднэ.
• •
  Тарангире үндэсний парк. Паркаар аялж, зэрлэг амьтдыг ажиглана. Тарангире нь сармагчин, заан, ирвэс зэрэг амьтдаараа алдартай.
• •
  Зочид буудалдаа амарна.

• •
  Өглөөний цайны дараа аяллаа үргэлжлүүлж, Серенгети үндэсний парк руу явна.
• •
  Серенгети үндэсний парк. Ойролцоогоор 4 сая амьтантай, дэлхийн хамгийн алдартай парк. Арслан, гиена, анааш, тахь (зебра), заан болон бусад олон төрлийн амьтдын амьдрах орчин болдог. Бид эдгээр амьтдыг хайж, ажиглахаар аялна.
• •
  Зочид буудалдаа амарна.

• •
  Өглөөний цайны дараа сафари аяллаа үргэлжлүүлж, усны үхэр (гиппопотам), арслан зэрэг амьтдыг ажиглана. Дараа нь Серенгетигаас гарч Нгоронгоро руу явна.
• •
  Нгоронгоро. ЮНЕСКО-гийн хамгаалалтад орсон, асар том эртний унтарсан галт уул. Өдгөө энд заан, хирс, арслан, ягаан фламинго зэрэг олон төрлийн амьтад амьдардаг. Дээрээс нь гайхалтай үзэмж бүхий зураг авах болно.
• •
  Зочид буудалдаа амарна.

• •
  Өглөөний цайны дараа Нгоронгорогийн тогоонд сафари аяллынхаа сүүлийн өдрийг эхлүүлнэ.
• •
  Сафари аялал өндөрлөж, биднийг дагалдан явсан багийнхантайгаа баяртай гэж хэлнэ. Дараа нь Аруша хотод хүрэлцэн ирнэ.
• •
  Зочид буудалдаа амарна.

• •
  Өглөөний цайны дараа Аруша хотын нисэх онгоцны буудал руу явж, Занзибар арал руу ниснэ. Энэ нь ойролцоогоор 1 цагийн богино нислэг юм.
• •
  Занзибар арал. Эхний өдрөө амарч, Занзибарын далайн эрэг дээр цагийг зугаатай өнгөрүүлнэ. Далай нь яг л Мальдивынх шиг тунгалаг байдаг.

• •
  Өглөөний цайны дараа зэрлэг байгальд сэлж буй далайн гахайнуудыг үзэхээр явна. Дараа нь завиар "Sandbank" хэмээх диваажин мэт газарт очно — Энэтхэгийн далайн дунд орших элсэн арал.
• •
  Шүрэн хадны орчимд сэлж, өнгөлөг загаснуудыг үзэх боломжтой. Занзибар арал нь амттай жимсээрээ алдартай тул манго, хан боргоцой зэрэг жимсийг амтлах болно.
• •
  Чөлөөт цаг.

Чөлөөт өдөр

Занзибарын тунгалаг далайн эрэгт сүүлийн өдрөө өнгөрүүлнэ. Шүрэн хад дэргэдэх усанд сэлэх, эрэгт амрах эсвэл хотын захаар аялах гэх мэт өөрт тохирох үйл ажиллагаа сонгох боломжтой.

• •
  Өглөөний цайны дараа Занзибарын олон улсын нисэх онгоцны буудал руу явж, Истанбул руу ниснэ.
• •
  Истанбулд хүрэлцэн ирж зочид буудалдаа амарна.

• •
  Дараагийн дамжин нислэг орой 18:25 цагаас ниснэ. Энэ хугацаанд та Истанбул хотын аялал болон шоппинг хийх боломжтой.

Улаанбаатар хотын нисэх онгоцны буудалд 07:20 цагт хүрэлцэн ирснээр Африкийн гайхамшигт аялал амжилттай өндөрлөнө.